დეტალები: თბილისში, ჩუღურეთის რაიონში ავარიული ფერდობის მასა ჩამოიშალა, რასაც 2 ადამიანი ემსხვერპლა.

  • როგორც მერიაში On.ge-ის განუცხადეს, ართვინის #67-ში გამგეობის დაკვეთით, კომპანია ოუ ნი გრუნტის დამჭერი კედლის მოწყობის სამუშაოებს ასრულებდა, რა დროსაც მასა ჩამოიშალა და კომპანიის ორი თანამშრომელი მოიყოლა.
  • უწყებაში ამბობენ, რომ დაწყებულია გამოძიება, რომელიც დაადგენს, რამ გამოიწვია ფერდის ჩამოშლა.
  • გამოძიება 240-ე მუხლის მე-2 ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია.