ამის შესახებ მათ საერთაშორისო განვითარების სააგენტოს (USAID-ის) ხელმძღვანელს წერილი გაუგზავნეს, რომელიც ამერიკის ხმამ მოიპოვა.

რატომ არის მნიშვნელოვანი: ევროპის საკითხების ქვეკომიტეტის დემოკრატი თავმჯდომარე, ჯინ შაჰინი და სენატის საგარეო ურთიერთობების კომიტეტში უმაღლესი რანგის რესპუბლიკელი, ჯიმ რიში მოითხოვენ გრძელვადიანი მისიის შექმნას, რომელიც საქართველოში 2024 წლის არჩევნებს დააკვირდება.

  • სენატორები მიიჩნევენ, რომ თავისუფალი და სამართლიანი არჩევნების ჩატარება კრიტიკულად მნიშვნელოვანი ეტაპია როგორც საქართველოს დემოკრატიული განვითარებისთვის, ისე ამერიკის ეროვნული ინტერესებისთვის.

დეტალები: ორივე სენატორი 2012 წელს საქართველოში დამკვირვებლის სტატუსით იმყოფებოდა. მათი თქმით, ამ ვიზიტის შემდეგ ქვეყანაში დემოკრატიისკენ სვლა შეჩერდა და "დემოკრატიული ინსტიტუტების ეროზია" დაიწყო.

  • "მთავრობის ბოლოდროინდელი უკუსვლა გვაიძულებს, ადმინისტრაციას ვთხოვოთ, საქართველოში დემოკრატიისა და მმართველობის მდგომარეობასთან დაკავშირებით ზომები მიიღოს", — ვკითხულობთ წერილში.
  • რიში და შაჰინი ადმინისტრაციას, ასევე, მოუწოდებენ, ევროპელ მოკავშირეებთან ერთად საქართველოში მაღალი დონის ვიზიტები პრიორიტეტად დაისახონ.