გიფიქრია, დასვენებისას სად პოულობ ყველაზე დიდ შთაგონებას? როგორი ტიპის ადგილები და აქტივობები გიტაცებს? პარიზის ლუვრი უფრო მიმზიდველია შენთვის თუ სიამოვნებით გაატარებდი დროს პროვანსის ბაღებში? შესაძლოა შვებულებას სრულიად სპონტანურად გეგმავ და მიმართულებას ხელმისაწვდომობის მიხედვით არჩევ, თუმცა მაინც საინტერესოა, გაიგო, თუ როგორი ტიპის დამსვენებელი ხარ.

1. კულტურის მაძიებელი

კულტურული დასვენების მოყვარული ადამიანების ძირითადი ინტერესის სფერო ხელოვნების ნიმუშების გაცნობა, ისტორიულ ქუჩებში სეირნობა, მუზეუმებში ვიზიტი, ადგილობრივების წეს-ჩვეულებების გაცნობა და სხვა ისეთი აქტივობებია, რომელიც ქვეყნის ან კონკრეტული რეგიონის ცხოვრებას უფრო ხელშესახებს და მარტივად აღქმადს ხდის.

ასეთი ვიზიტორებისთვის მთავარი არა განთავსების ობიექტი, არამედ მისი ადგილია, სწორედ ამიტომ, საძიებო სისტემებთან დამეგობრებულები სასტუმროს ღირსშესანიშნაობებიდან ფეხით სავალ მანძილზე ეძებენ, ასევე, წინასწარ გეგმავენ სხვადასხვა ტურს თუ ექსკურსიას, ეცნობიან გამოფენების განრიგს, მუზეუმში მოსახვედრ ბილეთებსაც ყიდულობენ და თავიდან იცილებენ გრძელ რიგებში დგომას.

2. გასტრო ტურისტი

Eat, Pray, Love — ჭამა ერთ-ერთი ყველაზე საკრალური პროცესია. რეცეპტორებით აღქმული გემო არა მხოლოდ საკვების ენერგეტიკულ, არამედ ეროვნულ ღირებულებადაც იშლება. წარმოიდგენ, ვინ დგას კერძის უკან, როგორი ტრადიციებითაა შექმნილი და რატომ მაინცდამაინც ამ კომბინაციით? გასტრო ტურისტებისთვის ადგილობრივების სამზარეულო მნიშვნელოვან ინფორმაციას ინახავს — ისტორიებს, რომელიც სულ სხვანაირად — დაგემოვნებით უნდა აღმოაჩინო. სწორედ ამიტომ, ასეთი კატეგორიის დამსვენებლები უქმეების დაგეგმვისას ითვალისწინებენ ახლომდებარე კაფეებსა და რესტორნებს, ცდილობენ აღმოაჩინონ ნაკლებად ტურისტული, ადგილობრივებისთვის საყვარელი კვების ობიექტები და ეწერებიან ღვინისა თუ კერძების სხვადასხვა მასტერკლასზე.

3. ზღვის მოყვარული

მზე, რუჯი, ზღვა, სანაპირო, გართობა, წიგნის კითხვა ჩრდილში, ბევრი მზისგან დამცავი და გამაგრილებელი სასმელი — კარგად ჟღერს? თუ ჩვენს მენტალურ ჯანმრთელობაზე ტალღების ყურების დადებით გავლენას გავითვალისწინებთ, უცნაური არ არის, რომ ადამიანების ნაწილი თავს ყველაზე მშვიდად სანაპიროზე გრძნობს. თუმცა სანაპირო არანაკლებ სასიამოვნო გარემოა მეგობრებთან ერთად გასართობად. ასე რომ, თუ ზღვა და განტვირთვა თქვენთვის ნაცნობი კომბინაციაა, თავი ამ კატეგორიის დამსვენებელს უნდა მიაკუთვნოთ.

4. ურბანული ტურისტი

რაც არ უნდა უცნაურად ჟღერდეს, არსებობს ასეთი ტერმინი — ურბანული ტურისტი, ადამიანი რომელიც თავგადასავლებს ქალაქში ეძებს, სხვადასხვა საინტერესო ადგილის გარდა ადგილობრივების ყოველდღიურობას ეცნობა და წარმოდგენას იქმნის ქვეყნის თუ რეგიონის ცხოვრების სტილზე. ასეთ დამსვენებლებს წინასწარ აქვთ შედგენილი ადგილობრივების საყვარელი ადგილების, ე.წ ნეთვორქინგ სივრცეების, სხვადასხვა ჰაბების თუ აქტივობების სია, რაც ქალაქის პულსაციის უკეთ შეგრძნებაში დაემხარება.

5. ბუნების მოყვარული

დაბოლოს, ვინ თუ არა ბუნების მოყვარულები? ადამიანები, რომლებიც საკუთარ დასვენებას ურბანიზაციის მაღალი ხარისხის მქონე ადგილებიდან მოშორებით, ბუნებასთან რაც შეიძლება ახლოს გეგმავენ. ვერ გეტყვით, მხოლოდ მთებშია თუ არა თავისუფლება, თუმცა ამ კატეგორიაში გაერთიანებულ ტურისტებს უყვართ არატურისტული ადგილები, ლაშქრობები, ტყეში სიარული, ყვავილების კრეფა, კარვის გაშლა, ფილტვების ჟანგბადით ავსება, მოკლედ, ყველაფერი ის, რაც გვაკლია თანამედროვე ადამიანებს და ასე გვაკავშირებს ბუნებასთან.

მნიშვნელობა არ აქვს, რომელი კატეგორიის დამსვენებელს მიეკუთვნები. არსებობს ადგილები, თუნდაც თბილისში, ზღვის ტერიტორიაზე, რომელიც საკურორტო გამოცდილებას ქალაქში შეგიქმნით. შემოგთავაზებთ ყველაფერს ზემოთ აღწერილს და არ დაგაყენებთ კონკრეტული არჩევანის გაკეთების წინაშე. ხართ ბუნების მოყვარული, ურბანული ცხოვრებითა თუ გასტრონომიით დაინტერესებული ადამიანი? — Gulf Aquamarine Hotel საუკეთესო არჩევანია.

რუბრიკის სპონსორია Gulf Aquamarine Hotel, 5-ვარსკვლავიანი სასტუმრო კომპლექსი, რომელიც თბილისის ზღვაზე, აკვაპარკ ჯინო ფერედაისის საკურორტო ზონაში მდებარეობს და მოიცავს აუზს, რესტორანს, ბარებს, საკონფერენციო სივრცეებს და წვეულების დარბაზს.