Sunday Times-ის ცნობით, სამხრეთ აფრიკის მთავრობა და მათი რუსი კოლეგები ჩართულნი არიან მაღალი დონის მოლაპარაკებებში, რომლითაც, შესაძლოა პრეზიდენტ პუტინს სამხრეთ აფრიკაში გამგზავრება თავიდან ააცილონ.

რატომ არის მნიშვნელოვანი: საერთაშორისო სისხლის სამართლის სასამართლომ რუსეთის პრეზიდენტსა და რუსეთში ბავშვთა უფლების კომისარზე დაკავების ორდერები გასცა.

  • ICC-მა პუტინი დაადანაშაულა რუსეთის მიერ ოკუპირებული ტერიტორიიდან უკრაინელი ბავშვების ძალადობრივ დეპორტაციაში.

  • თავად ICC ვერ დააპატიმრებს ვლადიმერ პუტინს — ეს იმ ქვეყნების გადასაწყვეტია, რომლებმაც ხელი მოაწერეს სასამართლოსთან შეთანხმებას, რომის სტატუტს.

  • სამხრეთ აფრიკა სტატუტის ერთ-ერთი ხელმომწერი ქვეყანაა, რომელიც მას ავალდებულებს სისხლის სამართლის საერთაშორისო სასამართლოს გადაწყვეტილებები შეასრულოს.

დეტალები: გავრცელებული ინფორმაციით, რუსეთს რომ უხერხულობა თავიდან ააცილონ, სამხრეთ აფრიკა რუსეთის პრეზიდენტს BRICS-ის სამიტზე დასასწრებად Zoom-ის საშუალებით მოიწვევს.

  • პუტინი მიწვეული იყო ხუთი ქვეყნის ლიდერების სამიტზე, სადაც ბრაზილია, რუსეთი, ინდოეთი და ჩინეთი მონაწილეობს, ხოლო მასპინძელია სამხრეთ აფრიკა.

  • ამ უკანასკნელმა უარი თქვა რუსეთის წინააღმდეგ სანქციების მხარდაჭერაზე ან უკრაინაში მისი აგრესიის დაგმობაზე.