გუშინ აშშ-ს სახელმწიფო მდივანი, ანტონი ბლინკენი აზერბაიჯანის პრეზიდენტს, ილჰამ ალიევს, ესაუბრა.

რატომ არის მნიშვნელოვანი: კვირას, აზერბაიჯანელი მესაზღვრეები რუსი სამშვიდობოების მეთვალყურეობის ქვეშ სომხეთის საზღვართან ჰაკარის ხიდის გადასაკეტად შევიდნენ.

  • ეს ნაბიჯი 2020 წლის ნოემბრის ცეცხლის შეწყვეტის შეთანხმების დარღვევაა, სადაც ნათქვამი იყო, რომ ლაჩინის დერეფანი მთიან ყარაბაღში რუსეთის სამშვიდობო მისიის კონტროლს ექვემდებარება.
  • დერეფანი, რომელიც ოთხ თვეზე მეტია ბლოკადაშია, ერთადერთი მარშრუტია, რომელიც მთიან ყარაბაღს გარე სამყაროსთან აკავშირებს. აზერბაიჯანის მთავრობა ამტკიცებს, რომ ლაჩინის დერეფანი დამოუკიდებელმა "ეკოაქტივისტებმა" გადაკეტეს.

დეტალები: სენატორმა ბლინკენმა სატელეფონო საუბარში ხაზი გაუსვა აზერბაიჯან-სომხეთის კონფლიქტში სამშვიდობო დისკუსიების მნიშვნელობას.

  • მისი განცხადებით, ამ პროცესს აშშ კვლავაც მხარს დაუჭერს.
  • ასევე, ბლინკენმა გამოხატა შეერთებული შტატების ღრმა შეშფოთება, რომ აზერბაიჯანის მიერ ლაჩინის დერეფანზე საგუშაგოს შექმნა ძირს უთხრის სამშვიდობო პროცესში ნდობის დამყარების მცდელობებს.
  • აშშ მოუწოდებს აზერბაიჯანს, რაც შეიძლება სწრაფად გაიხსნას გზა ლაჩინის დერეფანზე კომერციული და კერძო მანქანებისთვის.