რა მოხდა: 17 მარტს დიდ დიღომში, იოანე პეტრიწის ქუჩასთან მდებარე ნაგავსაყრელად ქცეულ ტერიტორიაზე, 12 წლის მოზარდი გარდაცვლილი იპოვეს.

  • ოჯახის წევრები და ახლობლები არასრულწლოვანს 16 მარტის საღამოდან ეძებდნენ.
  • მომხდარზე გამოძიება სსკ-ის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.

დეტალები: 5 აპრილს ოჯახის უფლებადამცველი ორგანიზაცია აცხადებდა, რომ დანაშაულის ადგილზე მისულ დედასა და ადვოკატებს დანაშაულის ადგილი სრულიად სახეცვლილი დახვდათ.

  • მშობლების განმარტებით, არსებობს არაერთი გარემოება, რომლებიც მიუთითებს, რომ მოზარდის გარდაცვალების მიზეზი უბედური შემთხვევა ვერ იქნებოდა.

უფლებების საქართველო დღეს აცხადებს, რომ დღეს 12 წლის გოგოს გარდაცველების საქმეზე ბავშვის დედას და ადვოკატებს სამხარაულის სასამართლო-სამედიცინო ექსპრერტიზის პირველადი დასკვნის ასლი გადაეცათ.

  • ორგანიზაციაში ამბობენ, რომ დასკვნა საჭიროებს დეტალურ ანალიზსს, მათ შორის, შესაბამისი დარგის სპეციალისტების ჩართულობას.
  • "ამ ეტაპზე, ცალსახად იკვეთება კომპლექსური სამედიცინო ექსპერტიზის ჩატარების საჭიროება, რომელიც უნდა დაეფუძნოს იმ კითხვების სრულ ჩამონათვალს, რაზედაც პასუხი არსებულ დასკვნაში არ არის, ან/და არასრულია".
  • მათივე ცნობით, ამჟამად მიმდინარეობს ტოქსოკოლოგიური, ქიმიური, ბიოლოგიური, ტრასოლოგიური და სხვა სახის ექსპერტიზები, რომელთა შედეგები ჯერ ცნობილი არ არის.
  • ორგანიზაცია კომპლექსური სამედიცინო ექსპერტიზის ჩატარებას ითხოვს და დასძენს, რომ ამ საქმის გარემოებების სრულფასოვანი შეფასება ამ ექსპერტიზების დასკვნების შემდეგ გახდება შესაძლებელი.