კორესპონდენტის დაჭრასთან დაკავშირებით ინფორმაციას გაზეთი La Repubblica ავრცელებს.

რატომ არის მნიშვნელოვანი: იტალიელ კორესპონდენტს, კორადო ზუნინოს ხერსონის ოლქში მუშაობაში დახმარებას უკრაინელი ფიქსერი, ბოჰდან ბიტიკი უწევდა.

  • თავდასხმა დღეს მოხდა, ზუნინო დაიჭრა, ხოლო ბიტიკი ტყვიას ემსხვერპლა.
  • უკრაინაში ომის შედეგად მხოლოდ 2022 წელს 15 ჟურნალისტი დაიღუპა.

დეტალები: La Repubblica-ს ცნობით, ზუნინოს და ბიტიკს დიდი ალბათობით რუსმა სნაიპერებმა ესროლეს.

  • იტალიელი ჟურნალისტი მხარში დაიჭრა და ამჟამად საავადმყოფოშია.
  • ზუნინომ La Repubblica-ს განუცხადა, რომ უკრაინელმა სამხედროებმა მათ სამი საკონტროლო პუნქტის "უპრობლემოდ" გავლის უფლება მისცეს და დასძინა, რომ ეს "არ იყო საბრძოლო ზონა".
  • გაზეთის ცნობით, ორივე ჟურნალისტს უკრაინის ომის გაშუქების დიდი გამოცდილება ჰქონდა.
  • საგარეო საქმეთა მინისტრმა, დიმიტრო კულებამ ამ ინციდენტზე კომენტარი გააკეთა და აღნიშნა, რომ "რუსებს არ აინტერესებთ რუსი, იტალიელი თუ უკრაინელი ხარ, ისინი უბრალოდ ისვრიან".