ინფორმაცია ნიკა კვიტიანმა სოციალურ ქსელში თავად გაავრცელა.

რატომ არის მნიშვნელოვანი: ნიკა კვიტიანი ერთადერთი არ არის, ვინც რუსული კანონის საწინააღმდეგო აქციაზე დააკავეს, შემდეგ კი ფულადი ჯარიმა დააკისრეს.

  • პოლიცია მოქალაქეებს ძირითადად დაუმორჩილებლობას ედავებოდა, სასამართლო პროცესებზე მოწმის სახით დაკითხვისას კი ამბობდნენ, რომ დაკავებისას მოქალაქეები წინააღმდეგობას უწევდნენ.
  • დაახლოებით იმავე ოდენობის ჯარიმა გამოიყენეს ჟურნალისტების წინააღმდეგაც. თბილისის საქალაქო სასამართლომ ჯიქურაშვილი და ვარდიაშვილი 2 200-2 200 ლარით დააჯარიმა.

დეტალები: კვიტიანი 2 მარტს დააკავეს — არსებობს მისი დაკავების კადრებიც, სადაც ჩანს, რომ ის პარლამენტთან, ჯებირთან დგას და სხვა აქტივისტებთან ერთად მონა ლიზას სკანდირებს.

  • ამ დროს მასთან პოლიცია მიდის და ძალის გამოყენებით აკავებს.
  • მანამდე პოლიცია იმ მოქალაქეების დაკავებას ცდილობდა, რომლებიც რუსული კანონის მხარდამჭერ დეპუტატებს მონებს უწოდებდნენ, რის შემდეგაც აქციის მონაწილეებმა მონა ლიზას შეძახილები დაიწყეს.