თბილისის სააპელაციო სასამართლომ ე.წ. კორტების საქმეზე, გიორგი ცააძე და ირაკლი ფირცხალავა პარიმრობაში დატოვა. მოსამართლემ პირველი ინსტანციის განაჩენი უცვლელი დატოვა და ბრალდებულებს 12-12 წლით პატიმრობა შეუფარდა.

მათ ბრალად ედებათ 2006 წელს, თბილისში კორტების მიმდებარედ, ზურაბ ვაზაგაშვილისა და ალექსანდრე ზუბულოვის განზრახ მკვლელობა. სააპელაციო სასამართლოში დაცვის მხარემ განაჩენის გამამტყუნებელი ნაწილი გაასაჩივრა.

კრიმინალური პოლიციის და სპეცრაზმის მაღალჩინოსნები განზრახ მკვლელობის ბრალდებას არ ეთანხმებიან და მათ წინააღმდეგ საქმეს პოლიტიკურად მოტივირებულს უწოდებენ.