გაფიცვა რიკოთზე მეორე დღეა, გრძელდება.

რატომ არის მნიშვნელოვანი: ჩინეთის სახელმწიფო სამშენებლო კომპანიაში დასაქმებული მძღოლები დაბალ ხელფასს აპროტესტებენ, ასევე, სამუშაო საათების შემცირებას ითხოვენ. ამბობენ, რომ ადგილზე უსაფრთხოების ნორმები დაცული არ არის.

  • გაფიცულებს სურთ 8-საათიანი სამუშაო დღე და ხელფასის გაზრდა დღეში 33 ლარიდან 50 ლარამდე.

დეტალები: აქციის მონაწილეების თქმით, გაფიცვა მოთხოვნების დაკმაყოფილებამდე გაგრძელდება.

  • "რთული რელიეფია. გზები დაკეტილია. ზვავსაშიშ ადგილზე გვიწევს მუშაობა. მასა მანქანაზე რაც ედება, აღემატება იმას, რაც დასაშვებია. ძალიან რთულ პრობლემებში ვართ", — ამბობს აქციის მონაწილე, ლევან ტაბატაძე ფორმულასთან.
  • კომპანიის წარმომადგენლები მედიასთან ამბობენ, რომ გაფიცულთა მოთხოვნების დეტალები გასარკვევია.