რატომ არის მნიშვნელოვანი: პროკურატურა ბრალდებულს გარეგნობისა და სქესის გამო არასრულწლოვანებზე ფიზიკურ ძალადობას ედავებოდა.

  • შემთხვევა 2022 წელს, ბათუმში მოხდა — კაცი მოზარდებს ქუჩაში თავს დაესხა, აგინა და სცემა.
  • ადგილზე მისულ სამართალდამცველებს ბრალდებულმა უთხრა, რომ "ქართველ გოგოს წითელი და მწვანე თმა არ უნდა ჰქონდეს".

დეტალები: ბათუმის საქალაქო სასამართლომ ბრალდებულს 2 წლითა და 6 თვით პატიმრობა მიუსაჯა.

  • დაკავებულს ბრალდება 126-ე მუხლის პირველი ნაწილის ა და გ ქვეპუნქტებით წარედგინა.