რატომ არის მნიშვნელოვანი: უკრაინამ გადაწყვეტილება მას შემდეგ მიიღო, რაც 18 აპრილს, ალექსანდრ ლუკაშენკომ მინსკში ოკუპირებული დონეცკის დე ფაქტო ლიდერს, დენის პუშილინს უმასპინძლა.

  • უკრაინის საგარეო საქმეთა სამინისტრომ მათი შეხვედრა დაგმო და აღნიშნა, რომ ეს იყო "საოკუპაციო ადმინისტრაციის ამ წარმომადგენლის ლეგიტიმაციის მცდელობა"
  • კიევში აღნიშნავენ, რომ არაერთ მძიმე დანაშაულში ეჭვმიტანილ, საერთაშორისო სანქციების ქვეშ მყოფ პუშილინთან შეხვედრა ბელარუსის მხრიდან მორიგი არამეგობრული ნაბიჯი იყო.

დეტალები: უკრაინამ კონსულტაციისთვის ბელარუსიდან ელჩი გამოიძახა.

  • "მინსკმა თავი უნდა შეიკავოს ასეთი დესტრუქციული ნაბიჯებისგან და შეწყვიტოს რუსეთის აგრესიული ომის მხარდაჭერა უკრაინის წინააღმდეგ", — ვკითხულობთ განცხადებაში.