რატომ არის მნიშვნელოვანი: ტაბულას ჟურნალისტი 2 მარტს პარლამენტთან პუბლიკას დირექტორთან, ზურა ვარდიაშვილთან ერთად დააკავეს და რამდენიმე საათში ხელწერილის საფუძველზე გაათავისუფლეს.

  • ჯიქურიშვილის მსგავსად, გუშინ ვარდიაშვილსაც სასამართლომ ჯარიმის სახით 2 200 ლარის გადახდა დააკისრა.
  • ტაბულას ცნობით, ჯიქურიშვილის სამართადარღვევის ოქმში წერია, რომ ის "იგინებოდა და ილანძღებოდა უმისამართოდ", აქციის სხვა მონაწილეებთან ერთად კეტავდა გზას, არ ემორჩილებოდა პოლიციას და ხელს უშლიდა სხვა პირების დაკავებაში.

დეტალები: ჯიქურაშვილის თქმით, დაცვის მხარემ მოსამართლეს ვიდეომტკიცებულებები აჩვენა, სადაც მის მიმართ წაყენებული ბრალდებები ბათილდებოდა, თუმცა სასამართლომ პოლიციელის ზეპირი ჩვენება გაითვალისწინა და არა ფაქტები.

  • როგორც გამოცემა წერს, შსს-ის თანამშრომელი სხდომაზე ამბობდა, რომ ჯიქურაშვილი ჟურნალისტურ საქმიანობაზე განყოფილებაში გაიგო, თუმცა ვიდეოში ისმის, რომ დაკავებისას რეპორტიორი მოწმე სამართალდამცველს ეუბნება, რომ ჟურნალისტია.
  • ჯიქურაშვილის განცხადებით, სასამართლოს ასეთი გადაწყვეტილების მოლოდინი ჰქონდა, რადგან ვარდიაშვილიც სწორედ ანალოგიური თანხით დააჯარიმეს.
  • "ეს არ არის სამართლებრივი პროცესი, რადგან არავითარი მტიცებულეები არ არსებობდა, რომ მე რამე დავაშავე, რასაც მედავებოდნენ", — ამბობს ის.