რატომ არის მნიშვნელოვანი: TV პირველმა გაავრცელა ინფორმაცია, რომ ენმ-ს ყოფილმა თავმჯდომარემ, ნიკა მელიამ პარტიის სხვა წევრებთან ერთად ახალი ოფისი გახსნა.

  • როგორც ბაჩო დოლიძე ტელეკომპანიასთან აცხადებს, რომ ოფისი საკუთარი სახსრებით გახსნეს, ხოლო ინფორმაცია პარტიის თავმჯდომარეს, ლევან ხაბეიშვილს რამდენიმე დღის წინ შეატყობინა.
  • დოლიძე აღნიშნავს, რომ ისინი არ გეგმავენ ახალი პარტიის შექმნას და აცხადებს იმასაც, რომ ემიჯნებიან პარტიაში ჩრდილოვან მმართველობას.

ნაციონალურმა მოძრაობამ განცხადება გაავრცელა, სადაც ნათქვამია, რომ გაუგონარია, რას ემსახურება პოლიტიკური ოფისის არსებობა, სადაც შეკრებილები თავს ერთიანი ნაციონალური მოძრაობის წევრებად ასაღებენ და ამავდროულად ესხმიან მას.

  • "ღარიბაშვილის, კობახიძის, იმედის, პოსტივის და ქართული ოცნების რიტორიკით, ერთიანი ნაციონალური მოძრაობის სახელით, ჩვენ პარტიაზე განხორციელებული თავდასხმები სრულიად აუხსნელი მოვლენაა. მათ მიერ გაჟღერებული გზავნილები პირდაპირ ხელს აძლევს რუსული ოცნების მტრული პროპაგანდის განმტკიცებას", — ნათქვამია განცხადებაში.
  • საუბრობენ, რომ სეპარატიზმის მცდელობები აზიანებს პარტიის საუკეთესო ინტერესებს — "სწორედ ამიტომ, მოვუწოდებთ ყველას, აღიარონ და შეეგუონ პირდაპირი და მაღალი ლეგიტიმაციით ჩატარებული არჩევნების შედეგები";
  • "ყველა ვინც საკუთარ თავს ერთიანი ნაციონალური მოძრაობის წევრად მივიჩნევთ, ჩვენი პოლიტიკური ორგანიზაციის კუთვნილ სივრცეებში, ერთ პარტიაში უნდა ვიმუშაოთ";
  • "ქართული ოცნებისთვის დამახასიათებელი რიტორიკით, გაუგებრობისა და ბუნდოვანების შემოტანა, არ ემსახურება არც პარტიის და არც სახელმწიფოს ინტერესებს".

კონტექსტი: 30 იანვარს ენმ-ის შიდაპარტიული არჩევნები ჩატარდა — თავმჯდომარე ლევან ხაბეიშვილი გახდა.

  • მისი კონკურენტი იყოო იმ დროისთვის მოქმედი თავმჯდომარე ნიკა მელია.
  • ხაბეიშვილის გამარჯვების შემდეგ პარტიის პოლიტიკურ საბჭოში თანამდებობები არაერთმა პოლიტიკოსმა დატოვა.
  • პოლიტიკოსებმა დატოვეს პარტიაც, მათ შორის, დეპუტატებმა ხატია დეკანოიძემ და რომან გოცირიძემ.