მთავრობასთან აფილირებული, პროპაგანდისტული ტელევიზიის თანამშრომელს, ლაშა ბასლანაძეს, კონცეპტArt-ის სამხატვრო ხელმძღვანელი, თეონა ჯორბენაძე უჩივის.

რა ხდება: 11 აპრილს თეონა ჯორბენაძემ სოციალურ ქსელში Postv-ის ხელმძღვანელი, სექსუალურ შევიწროებაში არაერთგზის მხილებული, შალვა რამიშვილი გააკრიტიკა და დაწერა, რომ პროპაგანდისტული ტელევიზიის გადაცემებში სიარული "წითელი ხაზია".

  • ჯორბენაძის პოსტს ფეისბუქზე გამოეხმაურა Postv-ის გადაცემა ბიზნეს პოსტის თანამშრომელი, ლაშა ბასლანაძე, რომელმაც კონცეპტArt-ის სამხატვრო ხელმძღვანელს "ფაშისტკა" უწოდა და დაემუქრა: "დაგველოდე, მწარედ უნდა მოგადოთ".
  • ბასლანაძე ხელისუფლებასთან დაახლოებული პირია. სოციალურ ქსელში "ოცნების" ლიდერებთან გადაღებული მისი არაერთი ფოტო იძებნება.

დეტალები: ჯორბენაძის თქმით, სამართალდამცავ უწყებას გუშინ მიმართა.

  • "დავწერე განცხადება პოლიციის განყოფილებაში და წესით "მწარედ რომ უნდა მომადოს" და რომ ჰგონია ხელისუფლების მაღალჩინოსნებთან ჩახუტებული ფოტოები ამაში დაეხმარება, დღეს პოლიციასთან ჩასახუტებლად მიიწვევენ".
  • კონცეპტArt-ის სამხატვრო ხელმძღვანელი ამბობს, რომ სიძულვილის დაფინანსება და წახალისება უნდა დასრულდეს.
  • "ამაზრზენია, თუ როგორ გინდა ღირსება შეულახო იმ ადამიანებს, ვინც ქართულ კულტურაში ეპოქა შექმნეს, გაანებე თავი სახალხო არტისტების დევნას, ახალ თაობასთან შეხებას კი უბარლოდ, არ გირჩევ", — მიმართავს ის რამიშვილს.
  • "ამით დავიშალოთ. ნახევარი ნაბიჯიც აღარ გადმოდგათ ჩემსკენ და კონცეპტArt-კენ. შენ კარგად უნდა იცოდე, რომ ვერც საგადასახადო სამსახურების ზარებით შემაშინებთ და ვერც Postv-ში გამოჩეკილი მოძალადეებით. ერთადერთი, რასაც შეიძლება მიაღწიოთ, შემოქმედებითი პროექტების ნაცვლად, ყველანი ერთად გადმოვერთოდ სამოქალაქო აქტივიზმზე და წესით, ეს ჩვენზე მეტად თქვენ არ უნდა გაწყობდეთ".