Stranger Things-ის 19 წლის ვარსკვლავი მილი ბობი ბრაუნი შეყვარებულზე, ჯეიკ ბონ ჯოვიზე დაინიშნა. მილიმ ინსტაგრამზე ჯეიკთან ერთად ფოტო გამოაქვეყნა, რომელშიც ვარსკვლავს ნიშნობის ბეჭედი უკეთია. ფოტოს აღწერაში ტეილორ სვიფტის სიმღერის, Lover-ის ტექსტსაც ვკითხულობთ.

მილისთან ფოტოები ჯეიკ ბონ ჯოვიმაც დადო, აღწერით "სამუდამოდ".

მილიმ და ჯეიკმა სოციალურ ქსელებში ნიშნობა პირდაპირ არ დაადასტურეს, ამიტომ ფანებს გარკვეული ეჭვები მაინც რჩებოდათ. ეს ეჭვები კი მილის მეგობარმა და Stranger Things-ის მსახიობმა ნოა შნაპმა გაფანტა, რომელმაც მილის საჯაროდ მიულოცა.

"ჩემი საუკეთესო მეგობარი დაინიშნა", — ვკითხულობთ ფოტოს აღწერაში.

მილი ბობი ბრაუნი ეკრანზე მცირეწლოვანი ასაკიდან გამოჩნდა, თუმცა განსაკუთრებული პოპულარულობა 2016 წელს გამოსულმა სერიალმა, უცნაურმა ამბებმა, მოუტანა. სერიალში 12 წლის მილიმ ილევენის როლი მოირგო და მაყურებლის სიყვარული მალევე დაიმსახურა.

სერიალის შემდეგ მილის წარმატება ენოლა ჰოლმსის ორ ფილმში შესრულებულმა მთავარმა როლმაც მოუტანა. მსახიობი მაკიაჟისა და თავის მოვლის საშუალებების ბრენდს, Florence By Mills-ის დამაარსებელი და მფლობელია.