სანქცირებული მოსამართლე TV იმედთან ინტერვიუში აცხადებს, რომ ქვეყნის მართლმსაჯულების დამოუკიდებლობა საფრთხეშია.

დეტალები: მურუსიძის შეფასებით, ასევე საფრთხე ემუქრება ქვეყნის სუვერენიტეტს.

  • "პრემიერმინისტრი, რომელიც არის მთავარი ფიგურა საქართველოში და სახელმწიფოს მეთაური, უნდა იყოს საქმის კურსში, თუ რა საფრთხეები ემუქრება მართლმსაჯულების სისტემას, რა გამოწვევები არსებობს, რა თავდასხმები ხორციელდება ამერიკის საელჩოს მხრიდან", — აცხადებს იგი.

რატომ არის მნიშვნელოვანი: არასამთავრობო სექტორი წლებია საუბრობს ლევან მურუსიძისა და მიხეილ ჩინჩალაძის გავლენებზე, რომლებიც ე.წ. მოსამართლეთა "კლანის" მმართველებად მოიაზრებიან.

  • ამერიკის შეერთებული შტატების სახელმწიფო დეპარტამენტმა სანქციები დაუწესა საქართველოში სამ მოქმედ და ერთ ყოფილ მოსამართლეს — ლევან მურუსიძეს, მიხეილ ჩინჩალაძეს, ირაკლი შენგელიას და ვალერიან ცერცვაძეს.
  • სახელმწიფო დეპარტამენტის განცხადებით, მათ ბოროტად გამოიყენეს თანამდებობა, როგორც სასამართლოს თავმჯდომარეებმა და იუსტიციის უმაღლესი საბჭოს წევრებმა.