სასამართლომ ალექსეი მოსკალიოვს ორი წლით თავისუფლების აღკვეთა მიუსაჯა.

რატომ არის მნიშვნელოვანი: მოსკალიოვი სოციალურ ქსელში პერიოდულად აკრიტიკებდა რუსეთის უკრაინაში შეჭრას.

  • ხოლო მისმა 12 წლის შვილმა, მაშამ სკოლაში ომის საწინააღმდეგო ნახატი დახატა,.
  • უფლებადამცველმა ორგანიზაციამ, მემორიალმა განაცხადა, რომ "მოსკალიოვის სისხლისსამართლებრივი დევნა მოტივირებულია მისი პოლიტიკური შეხედულებებით და მიზნად ისახავს ხელისუფლების კრიტიკოსების სამოქალაქო აქტივობის შეწყვეტას და საზოგადოების დაშინებას".

დეტალები: მოსკალიოვს, რომელიც კრიტიკული პოსტების გამო შინაპატიმრობაში იმყოფებოდა, დამატებით ბრალი "რუსი სამხედროების დისკრედიტაციაში" წარედგინა.

  • "მოსკალიოვი სასამართლო დარბაზში უნდა დაეკავებინათ, მაგრამ ეს ასე არ მოხდა, რადგან ის ღამით გაიქცა შინაპატიმრობიდან, სასამართლომ გადაწყვეტილება მისი დაუსწრებლად გამოაცხადა", — განაცხადეს სასამართლო სხდომაზე.
  • Mediazona-ს ინფორმაციით, გასული წლის აპრილში მოსკალიოვის 12 წლის შვილმა, მაშამ ხელოვნების დახატა უკრაინული ოჯახის მისამართით რუსული რაკეტების გასროლა და ნახატს დააწერა "არა ომს" და "დიდება უკრაინას".
  • სკოლამ ამის საპასუხოდ პოლიცია გამოიძახა.
  • მას შემდეგ, რაც მოსკალიოვი ამ თვის დასაწყისში შინაპატიმრობაში გადაიყვანეს, მაშა, ბავშვთა სახლში გაგზავნეს.
  • ეფრემოვის არასრულწლოვანთა კომისიის თავმჯდომარის, სვეტლანა დავიდოვას თქმით, ოჯახი გასული წლის მაისიდან "სოციალურად სახიფათო მდგომარეობაში მყოფი ოჯახების პრევენციულ სიაში" იყო შეყვანილი.