ინფორმაციას გერმანული გამოცემა Spiegel წყაროზე დაყრდნობით ავრცელებს.

რატომ არის მნიშვნელოვანი: სრულმასშტაბიანი ომის დაწყების პირველივე დღეებიდან უკრაინა აქტიურად ითხოვს თანამედროვე საბრძოლო შეიარაღებას ოკუპანტებისთვის წინააღმდეგობის გასაწევად.

  • უკრაინელი მებრძოლების ძალისხმევასთან ერთად, ომში მყოფი ქვეყნის წარმატებული კონტრშეტევა და გაჭიანურებული "სპეციალური სამხედრო ოპერაცია" მნიშვნელოვნადაა დაკავშირებული პარტნიორების მიერ მიწოდებულ იარაღზეც.
  • ზელენსკიმ არაერთხელ აღნიშნა, რომ რუსული ტერორის შეჩერება შესაძლებელია და ამისათვის მეტი იარაღია საჭირო.

დეტალები: 25 იანვარს ცნობილი გახდა, რომ რამდენიმეკვირიანი ყოყმანისა და დიპლომატიური ზეწოლის შემდეგ გერმანია უკრაინას Leopard 2-ის ტანკებს გაუგზავნიდა.

  • ის დასავლეთის ერთ-ერთ საუკეთესო ტანკად ითვლება, იწონის 60 ტონაზე მეტს, აქვს 120 მმ გლუვლულიანი იარაღი და შეუძლია სამიზნეების დარტყმა 5 კილომეტრამდე მანძილზე.
  • გამოცემის ცნობით, უკრაინამ Leopard 2-ტიპის 18 ტანკთან ერთად, 40-მდე ქვეითი საბრძოლო მანქანაც მიიღო.