ამის შესახებ კონსტანტინოპოლის პატრიარქმა 22 მარტს ლიეტუვის პარლამენტში გამართულ პრესკონფერენციაზე ისაუბრა.

რატომ არის მნიშვნელოვანი: ბართლომე I-მა 2019 წელს კრემლის წინააღმდეგობის მიუხედავად, უკრაინის ახლადდაარსებულ მართლმადიდებლურ ეკლესიას საეკლესიო დამოუკიდებლობა მიანიჭა.

  • ამ გადაწყვეტილებამ გააუქმა მრავალსაუკუნოვანი შეთანხმება, რომელიც უკრაინის ეკლესიას რუსეთის მიმართ ანგარიშვალდებულს ხდიდა.
  • აცხადებს, რომ რუსეთის ხელისუფლება რუსულ ეკლესიას პოლიტიკურ იარაღად იყენებს და ამბობს, რომ ომის დანაშაულებზე პასუხისმგებელი ისიცაა.

დეტალები: პატრიარქის თქმით, რუსეთის ხელისუფლებამ ეკლესია თავისი სტრატეგიული მიზნების განხორციელების ინსტრუმენტად აქცია.

  • "რუსეთის ეკლესია და სახელმწიფო ხელმძღვანელობა თანამშრომლობდნენ აგრესიის განხორციელებაში და იზიარებს პასუხისმგებლობას ჩადენილ დანაშაულებზე, კერძოდ უკრანელი ბავშვების გატაცებაზე", — აღნიშნა მან.

კონტექსტი: 17 მარტს სისხლის სამართლის საერთაშორისო სასამართლომ ოკუპანტი ქვეყნის პრეზიდენტის, ვლადიმერ პუტინის დაკავების ორდერი გასცა.

  • ორდერს საფუძვლად უდევს უკრაინაში წამოწყებული სრულმასშტაბიანი ომი.
    სასამართლო ომის დანაშაულების ჩადენის გამო რუსეთის პრეზიდენტს ინდივიდუალურ სისხლის სამართლის პასუხისმგებლობას აკისრებს.