დღეს, 15 ივნისის საღამოს, გორში ქალაქის ვიცე-მერის ოჯახი დააყაჩაღეს. ამის შესახებ ტელეკომპანია რუსთავი 2-მა გაავრცელა ინფორმაცია. მათივე ცნობით, მძარცველი სახლში შეიჭრა, იმ დროს როდესაც ძიძა იმყოფებოდა ბავშვებთან ერთად.

შინაგან საქმეთა სამინისტრომ On.ge-ის ყაჩაღობის ფაქტი დაუდასტურა, თუმცა არ დაასახელა დაზარალებულის ვინაობა. უწყების ინფორმაციით, გამოძიება დაიწყო 179-ე მუხლის მე-2 და მე-3 ნაწილით, რაც გულისხმობს ჯგუფურ ყაჩაღობას, ბინაში უკანონო შეღწევით, დიდი ოდენობით ნივთის დაუფლების მიზნით.