გაერომ 13 მარტის ანგარიშში უკრაინაში დაღუპულ მშვიდობიან მოსახლეობაზე მონაცემები განაახლა.

რატომ არის მნიშვნელოვანი: პუტინის გაუმართლებელ ომს, რომელიც თითქოსდა დემილიტარიზაციას ემსახურება, მშვიდობიანი მოქალაქეები, მათ შორის, ბავშვებიც ეწირებიან.

  • ანგარიშის თანახმად, დაღუპვისა და დაშავების ძირითადი მიზეზი დიდ ტერიტორიაზე ასაფეთქებელი მოწყობილობის გამოყენება იყო.
  • კერძოდ, საუბარია მძიმე არტილერიით დაბომბვასა და სარაკეტო და საჰაერო სისტემების მრავალჯერად გამოყენებაზე.

დეტალები: გაეროს მონაცემებით, 2023 წლის 12 მარტამდე დაიღუპა 8 231 მშვიდობიანი მოქალაქე, ხოლო დაშავდა — 13 734.

  • დაშავებულებს შორის 413 ბიჭი და 295 გოგოა. 271 დაღუპულის სქესი დადგენა ვერ ხერხდება.
  • გაეროს ადამიანის უფლებათა უმაღლესი კომისრის ანგარიშში ნათქვამია, რომ მონაცემები საბოლოო არ არის, რადგან დაბომბვის ადგილების შემოწმება აქტიური საომარი მოქმედებების ზონებში და დროებით ოკუპირებულ ტერიტორიებზე ვერ ხერხდება.