ამის შესახებ ომის კვლევის ინსტიტუტი ანგარიშში საუბრობს.

რატომ არის მნიშვნელოვანი: ISW ამბობს, რომ რუსეთის საგარეო საქმეთა სამინისტროს პრესსპიკერმა მარია ზახაროვამ დაადასტურა, რომ კრემლის შიდა წრეში არის დაპირისპირება რუსეთის საინფორმაციო სივრცეზე ცენტრალიზებული კონტროლის დათმობასთან დაკავშირებით, რასაც პუტინი ვერ გამოასწორებს.

  • ზახაროვას თქმით, კრემლის ელიტებს შორის შიდა ბრძოლის გამო, სტალინისტური მიდგომის გამეორება არ შეუძლიათ.
  • რაც იმისთვის სჭირდებათ, რომ დაამყარონ საბჭოთა საინფორმაციო ბიუროს ანალოგი თანამედროვეობაში, რათა რუსეთის შიდა საინფორმაციო სივრცის კონტროლი შეძლონ.

დეტალები: "ზახაროვას განცხადება საყურადღებოა და მხარს უჭერს ISW-ის რამდენიმე ხანგრძლივ შეფასებას კრემლის რეჟიმის გაუარესებისა და საინფორმაციო სივრცის კონტროლის დინამიკის შესახებ", — წერია ანგარიშში.

  • მათი თქმით, ზახაროვას განცხადება მხარს უჭერს რამდენიმე შეფასებას — რომ არის კრემლის შიდა დაპირისპირება პუტინის ახლო წრის მთავარ წევრებს შორის;
  • რომ პუტინმა დროთა განმავლობაში დიდწილად დაუთმო რუსული საინფორმაციო სივრცე სხვადასხვა დამოუკიდებელ აქტორებს;
  • და რომ პუტინს, როგორც ჩანს, არ შეუძლია გადამწყვეტი ზომების მიღება რუსეთის საინფორმაციო სივრცეზე კონტროლის აღსადგენად.
  • ინსტიტუტის თქმით, გაუგებარია, რატომ აღიარებდა ზახაროვა — გამოცდილი უფროსი სპიკერი, საჯარო გარემოში ამ პრობლემებს.
  • "ზახაროვამ შეიძლება პირდაპირ განიხილა ეს პრობლემები, რათა შეემცირებინა რუსი ნაციონალისტი მილბლოგერების მოლოდინები კრემლის ამჟამინდელ შესაძლებლობებთან დაკავშირებით ერთიანი ნარატივის ან შესაძლოა, ერთიანი პოლიტიკის გარშემო", — წერია ანგარიშში.