საქართველოში მზარდი საზოგადოებრივი პროტესტის ფონზე, უმრავლესობამ მათივე სატელიტი დაჯგუფების მიერ ინიციირებული რუსული კანონი უკან გაიწვია.

რატომ არის მნიშვნელოვანი: კრემლის წამყვანი პროპაგანდისტი, მარგარიტა სიმონიანი, საქართველოს მიერ კიდევ ერთხელ და მკაფიოდ დეკლარირებულ ევროპულ მისწრაფებებს ჩვეული ბოდვით გამოეხმაურა.

  • საქართველოს და რუსეთის მთავრობები ერთხმად უარყოფდნენ არსაიდან მოვლენილი აგენტების კანონის რუსულ წარმომავლობას და მას ამერიკული კანონის შერბილებულ ვერსიად გვასაღებდნენ.
  • ეს იმ ფონზე, როცა მთელი მსოფლიო ერთხმად გმობდა საქართველოს ხელისუფლების მცდელობას, დაემორჩილებინა სამოქალაქო საზოგადოება და მედია ჩრდილოელი მეზობლის აწ უკვე გაკვალული გზის გავლით.

დეტალები: სიმონიანს, ქართული პროტესტიდან მხოლოდ სოხუმზე და საქართველოს ერთიანობაზე შეძახილების ენიშნა.

  • მას შემდეგ, რაც "ქართული დემოკრატიისთვის შავი" დღეები მშვიდობიანი დემონსტრანტების თავდადებით რუსული ზრახვების ჩაფლავებაში გადაიზარდა, პროპაგანდისტმა სიტუაციის ანალიზი წამოიწყო.
  • "სინამდვილეში, თავიდან ცხადი იყო, რომ ეს ყველაფერი მხოლოდ ჩვენთვის მეორე ფრონტის გასახსნელად იყო საჭირო", — წერს იგი.
  • ასევე სწუხს, რომ საქართველოში არავინ დარჩა კრემლის წიაღსვლების ექსპერტი, რომელიც ხალხს გააფრთხილებდა ოკუპანტი ქვეყნის ზრახვების შესახებ.
  • "2008 წლის აგვისტოს განმეორების შემთხვევაში, საქართველოს არავინ ეფლირტავება და ჯარს იქ არ გაგზავნის, პირდაპირ დავარტყამთ თბილისს".
  • თუმცა, ბოლოს მუქარას არბილებს და აცხადებს, რომ ახლა ამისთვის რუსებს არ სცხელა, თუმცა გული სწყდებათ ულამაზეს ქალაქსა და ტემპერამენტიან ხალხზე, რომლებიც თავად ვერ იზარებენ ამ წუხილის საბაბს.