პარლამენტთან რუსული კანონის წინააღმდეგ აქცია მიმდინარეობს.

რატომ არის მნიშვნელოვანი: ქართული ოცნებიდან წამოსული დეპუტატებით დაკომპლექტებულმა ანტიდასავლურმა მოძრაობამ, ხალხის ძალამ კანონპროექტი შეიმუშავა, რომლის მიზანიც მედიისა და არასამთავრობო ორგანიზაციების დისკრედიტაციაა.

  • გუშინ, 7 მარტს, პარლამენტმა დაუგეგმავად განიხილა და პირველი მოსმენით მხარი დაუჭირა რუსულ კანონპროექტს.
  • მალევე გასაპროტესტებლად მოქალაქეებმა პარლამენტთან დაიწყეს შეკრება.

დეტალები: სპეცრაზმმა აქციის მონაწილეების წინააღმდეგ უკვე გამოიყენეს წყლის ჭავლი, ცრემლსადენი გაზი და წიწაკის სპრეი.

  • რობოკოპები რუსთაველის გამზირზე განთავსდნენ.
  • როგორც კადრებში ჩანს, პარლამენტის წინა შესასვლელი თითქმის დაცარიელდა.

ცოტა ხნის წინ შსს-მ განცხადება გაავრცელა და მოუწოდა აქციის მონაწილეებს არ გასცდნენ გამოხატვის თავისუფლებისა და მშვიდობიანი შეკრების კანონით დადგენილ ნორმებს.

  • "აქციის მიმდინარეობისას, სამართალდარღვევის ნებისმიერი ფაქტი პოლიციის მხრიდან, კანონის ფარგლებში, დაუყოვნებლივ იქნება აღკვეთილი", — ნათქვამი იყო განცხადებაში.