ორგანიზაციის განცხადებით, მხარდაჭერას უცხადებენ პროტესტის მონაწილე აქტივისტებს.

დეტალები: იმისთვის, რომ ორგანიზაციამ განიხილოს აქტივისტების განცხადება, უნდა შეავსონ ფორმა.

  • სამართლებრივი დახმარების მისაღებად, შეგიძლიათ, მიმართოთ არასამთავრობო ორგანიზაციების ერთიან ცხელ ხაზს: 577 070 563.

ორგანიზაციის განცხადებით, მობილიზებული მცირე ბიუჯეტი გამოყენებული იქნება მის ამოწურვამდე. ამიტომ, შემოწირულებების შეგროვებასაც იწყებენ:

  • ანგარიშის ნომრები: ლარი — #GE41TB7249036080100001; დოლარი/ევრო — #GE85TB7249036180100001;
  • მიმღები: თბილისის ადამიანის უფლებათა სახლი;
  • დანიშნულება: არა რუსულ კანონს.

რატომ არის მნიშვნელოვანი: გუშინ პარლამენტმა დაუგეგმავად განიხილა და პირველი მოსმენით მხარი დაუჭირა რუსულ კანონპროექტს — გასაპროტესტებლად მოქალაქეები პარლამენტთან შეიკრიბნენ.

  • ხელისუფლებამ აქციის მონაწილეთა წინააღმდეგ რამდენიმე სპეციალური საშუალება გამოიყენა, მათ შორის, ცრემლსადენი გაზი, წიწაკის სპრეი, წყლის ჭავლი.
  • შსს-ს განცხადებით, დაკავებულია 66 მოქალაქე.
  • როგორც NGO ამბობენ, დაკავებულები მთელი საქართველოს მასშტაბით არიან გადანაწილებულები, რაც მათთან დაკავშირებას და მათთვის იურიდიული დახმარების გაწევას საგრძნობლად ართულებს.

NGO-ების შეფასებით, მშვიდობიანი სამოქალაქო პროტესტის წინააღმდეგ პოლიციამ უკანონო და არაპროპორციული ძალა გამოიყენა.

  • მოუწოდებენ შინაგან საქმეთა სამინისტროს, ყველა დაკავებულს მიეცეს ოჯახის წევრებთან დაკავშირების შესაძლებლობა.
  • ასევე, დაკავებულთა ადვოკატებს დროულად მიეწოდოთ ინფორმაცია, რომელ იზოლატორებში არიან გადაყვანილნი მათი დაცვის ქვეშ მყოფი პირები;
  • "დაუყოვნებლივ მოხდეს დაკავებული პირების გადაყვანა სასამართლოში და დაკავების ვადა 48 საათამდე გაუმართლებლად არ გახანგრძლივდეს".