შინაგან საქმეთა სამინისტრო მიმდინარე აქციასთან დაკავშირებით განცხადებას ავრცელებს.

რატომ არის მნიშვნელოვანი: პარლამენტის წინ შეკრებილები რუსული კანონსა და მის დაუგეგმავად განხილვას აპროტესტებენ.

  • მოქალაქეები, პოლიტიკოსები, სხვადასხვა სფეროს წარმოამდგენლები დღეს პარლამენტთან ბიუროს სხდომის პარალელურად შეიკრიბნენ, თუმდა როდესაც ადგილის დატოვება დაიწყეს, უმრავლესობამ რუსული კანონის განხილვა 9 მარტის ნაცვლად დღესვე გადაწყვიტა.
  • მაშინვე დაიგეგმა მეორე აქცია, რომელიც ახლა გრძელდება — გადაკეტილია რუსთაველის გამზირი.

დეტალები: უწყება აცხადებს, რომ სამინისტროს თანამშრომლები პარლამენტთან არია მობილიზებული და "საზოგადოებრივ წესრიგს იცავენ".

  • შსს მოუწოდებს შეკრებილებს, "არ გასცდნენ შეკრების და გამოხატვის თავისუფლების კანონით დასაშვებ ფარგლებს, დაიცვან საზოგადოებრივი წესრიგის ნორმები და დაემორჩილონ პოლიციელთა კანონიერ მოთხოვნებს".
  • ასევე, მოუწოდებენ პოლიტიკურ ლიდერებს, "არ დაუშვან ძალადობისკენ მოწოდებები და უზრუნველყონ, რომ აქციამ არ მიიღოს ძალადობრივი ხასიათი".
  • "აქციის მიმდინარეობისას, სამართალდარღვევის ნებისმიერი ფაქტი პოლიციის მიერ, კანონის ფარგლებში, დაუყოვნებლივ იქნება აღკვეთილი", — ნათქვამია განცხადებაში.