მაისურაძე რუსულ კანონზე: ბოროტმა კაცუნამ გადაწყვიტა ყველა არამისიანი მტრებად გამოეცხადებინა

7 Mar. 2023, 16:57

საქართველოს უახლესი ისტორია: ერთმა ბოროტმა და გაუმაძღარმა კაცუნამ, გამწარებული და სასოწარკვეთილი ხალხის მოტყუებით, მიიტაცა ძალაუფლება, ირგვლივ შემოიკრიბა მასავით სინდის-ნამუსგარეცხილი უტიფარი, გაუმაძღარი და ბოროტი ადამიანები, პროფესიონალი გარეწრები, უთავმოყვარეო, ყველაფრის მკადრებელი და ყველაფრის მკისრებელი კაცუნები. მათი მეშვეობით მიიტაცა და მიისაკუთრა მთელი ქვეყანა, მოწამლა სიცრუით, ცილისწამებით, შუღლისა და ღვარძლის თესვით, შექმნა ისეთი გასაძლისი მდგომარეობა, რომ ასეულობით ათასი სასოწარკვეთილი ადამიანი გააქცია საკუთარი სამშობლოდან. ბოლოს, ყველა თავისი ჩადენილი ბოროტება რომ შერჩეს და წინააღმდეგობის გამწევი არავინ დარჩეს, გადაწყვიტა ყველა არამისიანი მტრებად და აგენტებად გამოეცხადებინა, ხოლო საქართველო დედამიწაზე ყველაზე ბოროტი ქვეყნის — რუსეთის მაზრად აქციოს და მსოფლიო რუკიდან სამუდამოდ გააქროს. ახლა არჩევანი თავად საქართველოზეა: დათანხმდება საკუთარი ისტორიის დამთავრებას და გაქრობას, თუ თავად ამ ბოროტ კაცუნას და მის ალქაჯებს გაუშვებს ისტორიის სანაგვეზე და ამ სამარცხვინო კოშმარს დაასრულებს?

ბოლო ამბები: