ვინაიდან ვერც ერთმა ხელისუფლებამ რეალურ პრობლემებს ვერ გაართვეს თავი, საჭირო იყო მოძებნა განტევების ვაცის, ვისაც დაბრალდებოდა ყველა უბედურება და ეს აღმოჩნდა ხალხი, ის ახალგაზრდობა, ვინც მათ არ გავს, არ არის დაინტერესებული კორუფციული გარიგებებით და უთავმოყვარეობით. ჩვენ დავრწმუნდით, რომ მათი ინტერესი არის მხოლოდ ძალაუფლების შენარჩუნება და ამისთვის არ ერიდებიან ყველაზე ბინძურ ხერხს, სამოქალაქო დაპირისპირებას. აი, ამ რეალობის წინაშე ვდგავართ. ერთი მაგალითი დამისახელოს ვინმემ, სად არის, დედამიწის რომელ წერტილში, მეფედრონების, მძიმე ნარკოტიკების გაყიდვა თუ მასში ჩარტული არ არის უმაღლესი ეშელონები ძალაუფლების? ეს არის მოჩვენება და ფარსი. რეალური ნარკობარონები ძალიან მაღლა სხედან, ძალაუფლების უმაღლეს სტრუქტურებში და ისინი აწარმოებენ გამანადგურებელ ომს საკუთარი მოსახლეობის წინააღმდეგ.
კომენტარები