ამის შესახებ პარლამენტის თავმჯდომარემ ბიუროს სხდომაზე განაცხადა.

რატომ არის მნიშვნელოვანი: მას შემდეგ რაც რუსულ კანონს სამოქალაქო სექტორისა და მედიის წარმომადგენლების პროტესტი მოჰყვა, პარლამენტში გადაადგილდებიან და გადაადგილებას უზღუდავენ სხვებს სამოქალაქო ფორმებში ჩაცმული პირები, რომლებსაც მაიდენტიფიცირებელი ნიშნები არ აქვთ.

  • დეპუტატებმა არაერთხელ აღნიშნეს, რომ პარლამენტი და ეზო დაცვითა და სუს-ითაა სავსე.
  • პაპუაშვილი ამბობს, რომ საკანონმდებლო შენობაში მხოლოდ მანდატურის სამსახურისა და სახელმწიფო დაცვის სპეციალური სამსახურის თანამშრომლები არიან.
  • მიუხედავად პარლამენტის თავმჯდომარის მტკიცებისა, დღევანდელ კადრებშიც ჩანს, რომ სამოქალაქო ფორმაში ჩაცმულ პირებს ბიუროს ოთახებამდე მისასვლელი გზა გადაკეტილი აქვთ და დეპუტატებს არ ატარებენ.
  • დღეს ბიუროზე დღის წესრიგზე უნდა შეთანხმდნენ რის შემდეგაც პლენარული სხდომა უნდა ჩაინიშნოს და რუსული კანონი განიხილონ.

დეტალები: პაპუაშვილი თქვა, რომ "სახელებს არ დაასახელებს", თუმცა მანდატურების მიმართ იყო ძალადობის შემთხვევები და დეპუტატებს მოუწოდა, დაემორჩილონ მათ.

  • მან მხოლოდ ოპოზიციის წევრები დაადანაშაულა ძალადობაში, მაშინ როდესაც, მათ ძალის გამოყენებით აძევებენ სხდომებიდან.
  • პაპუაშვილის თქმით, ამ დღეების განმავლობაში პარლამენტში დაცვის გაძლიერებული რეჟიმი მოქმედებს "სიმშვიდის უზრუნველყოფისთვის", დაცვის წევრებს მადლობა გადაუხადა.

დეკანოიძემ აღნიშნა, რომ შენობაში, როგორც სუს-ის, ასევე, ანტიტერორისტული დეპარტამენტის წარმომადგენლებიც არიან და პაპუაშვილს მიმართა კითხვით, თუ ვისგან იცავენ შენობას.

  • "აყირავებული მაგიდები, ძალადობა, აღარ აღვწერ აქ დასწრე პირების მხრიდან რა იყო, ამას რომ ვხედავთ, სწორედ ამიტომაცააა... როცა ძალადობა არის ქცეული პოლიტიკის ინსტრუმენტად, იქ უსაფრთხოება უნდა იყოს უზრუნველყოფილი", — ასე უპასუხა მან დეპუტატის კითხვას.