აქციის ორგანიზატორები გიორგი ვაშაძე და ლევან ხაბეიშვილი არიან.

რატომ არის მნიშვნელოვანი: პარლამენტში აგენტების რუსული კანონპროექტის განხილვა 1,5 საათის დაგვიანებით, შეძახილების ფონზე დაიწყო.

  • პარლამენტის შენობასა და მიმდებარე ტერიტორიაზე მედიისა და არასამთავრობო სექტორის წარმომადგენლები რუსულ კანონპროექტს აპროტესტებენ.

  • საქართველოს პარტნიორი ქვეყნები და ევროსტრუქტურების წარმომადგენლები ერთხმად აცხადებენ, რომ კანონპროექტის ნებისმიერი ფორმით მიღება ქვეყნის ევროატლანტიკურ მომავალს საფრთხის ქვეშ დააყენებს.

  • ამ განმარტებების, მოწოდებებისა და მიმართვების ფონზე, კანონპროექტზე გამიჯვნის ნაცვლად, მმართველ გუნდში აცხადებენ, რომ მას მხარს დაუჭერენ.

დეტალები: დაძაბული სიტუაციის გამო, საჭირო გახდა სხდომის დარბაზის შეცვლა, ასევე, განხილვაზე არ დაუშვეს კრიტიკულად განწყობილი დეპუტატები და პოლიტიკოსები, მათ შორის — ხაბეიშვილი და ვაშაძე.

  • რუსული კანონის გასაპროტესტებლად პოლიტიკოსებმა 6 საათზე პარლამენტთან აქცია დააანონსეს და მოსახლეობას შეკრებისკენ მოუწოდეს.