მას მერე, რაც 2018 წელს სელენა გომესისა და ჯასტინ ბიბერის საბოლოო დაშორების შემდეგ, ბიბერმა ხელი რამდენიმე თვეში ამერიკელ მოდელს, ჰაილი ბოლდუინს, სთხოვა, მათ "სასიყვარულო სამკუთხედზე" საუბარი საზოგადოებაში არ შეწყვეტილა. სხვადასხვა სოციალურ ქსელში არ წყდებოდა განხილვები ჰეილის მცდელობებზე სელენა გომესისთვის მიებაძა. ახლახან მოდელის ინტერესი სელენას მიმართ კიდევ უფრო მოექცა ყურადღების ცენტრში, რადგან TikTok-ისა და Instagram-ის მომხმარებლებს ეჭვი გაუჩნდათ, რომ ჰეილი ჯერ მეგობარ კენდალ ჯენერთან ერთად ტიკტოკის ვიდეოში, შემდეგ კი კაილი ჯენერთან ერთად ინსტაგრამზე გაზიარებული სურათით სელენას დაცინვას ცდილობდა.

სოციალური ქსელების მომხმარებლებმა ჰეილის ძველი პოსტები გაიხსენეს, რომლებშიც მოდელი სელენა გომესის მიმართ აღფრთოვანებას გამოხატავდა და ამბობდა, რომ ჯასტინისთვის ზედგამოჭრილი იყო.

ფოტო: Twitter

"100%-ით ვუჭერ მხარს სელენასა და ჯასტინის ურთიერთობას," — წერდა ჰეილი ბოლდუინი 2011 წელს, როცა ჯასტინმა და სელენამ პირველად დაადასტურეს, რომ ერთმანეთს ხვდებოდნენ.

ფოტო: Twitter

ჰეილი ბოლდუინს, რომელიც ახლა უკვე ჰეილი ბიბერის სახელითაა ცნობილი, 2012 წელსაც მსგავსი მოსაზრება ჰქონდა — მოდელმა სელენას უნაკლო, ხოლო მის ჯასტინთან ურთიერთობას სრულყოფილი უწოდა და განაცხადა, რომ თავად სამუდამოდ მარტო მოუწევდა დარჩენა.

ფოტო: Twitter

კიდევ ერთ პოსტში ჰეილიმ სელენასა და ჯასტინის წყვილს "თინეიჯერული ოცნება" უწოდა — "არ მაინტერესებს, ვინ რას ამბობს, მაგრამ ჯასტინ ბიბერი და სელენა გომესი ერთად ნამდვილი თინეიჯერული ოცნებაა."

ფოტო: Twitte

საზოგადოების ნაწილის აზრით, ჰეილი ჯასტინისა და სელენას წარსული ურთიერთობით დღემდე შეპყრობილია და ცდილობს, სხვადასხვა გზით სელენა დაჩაგროს მეგობარ ჯენერებთან ერთად. შედეგად კაილი ჯენერმა და ჰეილი ბიბერმა ინსტაგრამზე მილიონზე მეტი გამომწერი დაკარგეს სულ რამდენიმე დღეში, სელენა გომესი კი 391 მილიონი გამომწერით ქალ სელებრითებს შორის ინსტაგრამზე უპირობო ლიდერია.

ამავე თემაზე:

დრამა არ სრულდება — რა ხდება სელენა გომესს, კაილი ჯენერსა და ჰეილი ბიბერს შორის