SOLO თავისი მომხმარებლებისთვის საინტერესო სპიკერებთან შეხვედრების ფორმატს — SOLO Talk-ს კვლავ განაგრძობს. ამჯერად საქართველოს ბანკის SOLO-მომხმარებლებს შესაძლებლობა აქვთ ინვესტიციების შესახებ SOLO Talks-ის მე-3 შეხვედრას დაესწრონ, რომელსაც გალტ & თაგარტის საბროკერო მიმართულების მთავარი ანალიტიკოსი, ნიკოლოზ მაზანაშვილი უმასპინძლებს.

დღესდღეობით გლობალურ საფონდო ბირჟებზე ფინანსური ინსტრუმენტების სიჭარბეა, რაც დამწყებ ინვესტორებში დაბნეულობას იწვევს, რადგან მათ ზუსტად არ იციან, თუ საიდან დაიწყონ ინვესტირება. შეხვედრაზე დასწრების შემთხვევაში კი, სწორედ იმ ინფორმაციას მოისმენთ, რომელიც საჯაროდაა ხელმისაწვდომი და სამომავლო ინვესტირებაში დაგეხმარებათ.

"საფონდო ბირჟებზე ინვესტირება დასავლეთის განვითარებულ ქვეყნებში კაპიტალის დაგროვებისა და გაზრდის ერთ-ერთი ყველაზე აპრობირებული მეთოდია. ამერიკასა და ევროპის ქვეყნებში, როგორც წესი, მოსახლეობის 30-50%-ს დანაზოგები სწორედ ფასიან ქაღალდებში აქვთ განთავსებული. საქართველოში დიდი ხნის განმავლობაში საზოგადოების ფართო მასებს არ ჰქონდათ გლობალურ ფინანსურ ბირჟებზე წვდომის მარტივი გზა და შესაბამისად, არც გამოცდილება", — ამბობს ნიკოლოზ მაზანაშვილი.

ნიკოლოზის თქმით, საქართველოს ბანკის მობაილ ბანკში ინვესტიციების დამატებით ჩვენი ქვეყნის თითოეულ მოქალაქეს გაუჩნდა შესაძლებლობა, რომ ფასიან ქაღალდებში ინვესტირება მარტივად დაიწყონ. თუმცა სირთულეს ის წარმოადგენს, რომ პლატფორმაზე ამჟამად 6000-ზე მეტი სხვადასხვა კომპანიისა და ფონდის აქციაა განთავსებული, ამიტომ დამწყებმა ინვესტორებმა ზუსტად არ იციან, საიდან დაიწყონ პირველი ნაბიჯების გადადგმა.

"ძალიან მნიშვნელოვანია, რომ ჩვენს ინვესტორებს მაქსიმალურად მივაწოდოთ ინფორმაცია იმის შესახებ, თუ როგორ უნდა დაიწყონ ინვესტირება სწორად და როგორ უნდა აქციონ ინვესტირება საკუთარი ცხოვრების ნაწილად", — განაცხადა ნიკოლოზ მაზანაშვილმა.

შეხვედრაზე დეტალურად იქნება განხილული შემდეგი თემები:

  • როგორ გამოიყენოთ საინვესტიციო კალკულატორი;
  • როგორ მოიძიოთ და შეაფასოთ ინდექსფონდები / ETF-ები
  • სად ნახოთ დიდი ჰეჯ-ფონდების / აქტივების მმართველი კომპანიების პორტფელები (რა აქციები უკავიათ, რას ყიდულობენ და ყიდიან)
  • როგორ მიადევნოთ თვალი კომპანიების კვარტალურ ფინანსურ შედეგებს და ა.შ.

"ინვესტორების უმეტესობას, რომლებსაც ვესაუბრები, ყოველთვის აქვთ შეკითხვა თუ რა უნდა იყიდონ და რაში განახორციელონ ინვესტიცია. მიმდინარე შეხვედრაზე სწორედ ამ თემას შევეხებით და განვიხილავთ ყველასთვის ხელმისაწვდომ ინტერნეტ რესურსებს, სადაც ნებისმიერ ადამიანს შეუძლია მიიღოს ის დამატებითი ინფორმაცია, რომელიც მას დაეხმარება სწორად შეარჩიოს აქციები და ფონდები", — ამბობს ნიკოლოზ მაზანაშვილი.

ინვესტიციების შესახებ SOLO Talks-ის მე-3 შეხვედრა 9 მარტს, 19:00 საათზე, SOLO ლაუნჯში (ჭავჭავაძის გამზ. №29) გაიმართება. რეგისტრაციისთვის კი ამ ბმულს უნდა ეწვიოთ.