დღეს, თბილისის საქალაქო სასამართლოს წინ ჰიპ-ჰოპ ჯგუფ Birja Mafia-ს დაკავებული წევრების მიშკა მგალობლიშვილისა და გიორგი ქებურიას მხარდასაჭერი აქცია გაიმართება.

სასამართლოში, დაკავებული მიშკა მგალობლიშვილის აღმკვეთი ღონისძიების საკითხს დღეს, 16 საათზე მოსამართლე ბადრი შონია განიხილავს. შსს-მ ამავე ბრალდებით, კლიპში მონაწილე მეორე რეპერი გიორგი ქებურიაც დააკავა. მისი სასამართლო პროცესი ჯერ ჩანიშნული არ არის.

გამოძიება მგალობლიშვილს 1,4965 გრამი ნარკოტიკული საშუალება MDMA-ის შეძენა-შენახვას ედავება. იგი 7 ივნისს დააკავეს.

საქმეზე გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის მუხლით მიმდინარეობს, რაც ისჯება თავისუფლების აღკვეთით ვადით რვიდან ოც წლამდე ან უვადო თავისუფლების აღკვეთით.