კასიანოვის განცხადებით, საქართველოში რუსების შემოდინების გამო, შესაძლოა, უკრაინელების ევაკუაცია დაიწყონ
![](http://monica.on.ge/2022/03/23/275833302_1073096776869861_2408196062775497618_n_623b0c8e55a7a.jpg)
ფოტო: მარიამ ქავთარაძე/On.ge
ამის შესახებ უკრაინის ელჩმა საქართველოში, ანდრეი კასიანოვმა, ევროპეისკა პრავდასთან ინტერვიუში ისაუბრა.
რატომ არის მნიშვნელოვანი: უკრაინის საელჩო საქართველოში არ გამორიცხავს უკრაინის მოქალაქეების ევაკუაციის შესაძლებლობას, თუ მათ საფრთხე დაემუქრებათ საქართველოსა და რუსეთს შორის პირდაპირი ფრენების აღდგენისა და ოკუპანტი ქვეყნის მოქალაქეების მასობრივი შემოდინების გამო.
- ელჩი ხაზს უსვამს, რომ ეს მხოლოდ რეალური საფრთხის შემთხვევაში მოხდება.
დეტალები: ინტერვიუში კასიანოვი აღნიშნავს, რომ საქართველოში რუსეთის მოქალაქეების "ანომალიური" შემოსვლის ფონზე, უკრაინის საელჩო ყველანაირად ცდილობს, თავისი მოქალაქეების უსაფრთხოებასა და სამშობლოში დაბრუნებაზე იზრუნოს.
- "პირდაპირი საჰაერო კომუნიკაციის აღდგენისა და უსაფრთხოების რეალური რისკების ზრდის შემთხვევაში, მინდა, ვთქვა, რომ დღეს საელჩო არ გამორიცხავს საერთაშორისო ორგანიზაციებთან, ჩვენს საერთაშორისო პარტნიორებთან დაკავშირების შესაძლებლობას, რათა განიხილონ მასობრივი დახმარების შესაძლებლობა, უკრაინის მოქალაქეების ევაკუაცია საქართველოს ტერიტორიიდან", — განაცხადა კასიანოვმა.
- მისივე თქმით, განიხილავენ ევაკუაციის მარშრუტების მოწყობის შესაძლებლობას უკრაინის მოსახლეობის ყველაზე დაუცველი სეგმენტებისთვის, რომლებსაც არ აქვთ სამშობლოში დაბრუნების საშუალება.
- ელჩი ამისათვის ოპტიმალურად სახმელეთო ტრანსპორტს მიიჩნევს.
კონტექსტი: რუსეთის საგარეო საქმეთა მინისტრმა, სერგეი ლავროვმა 18 იანვარს გამართულ პრესკონფერენციაზე იმედი გამოთქვა, რომ რუსეთსა და საქართველოს შორის პირდაპირი ფრენები მალე აღდგება.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები