ამერიკელი მსახიობისა და რეჟისორის ფილმს "სუპერძალა" ჰქვია.

რატომ არის მნიშვნელოვანი: სრულმასშტაბიანი ომის დაწყების შემდეგ შონ პენი უკრაინას სამჯერ ეწვია, მათ შორის — ომის პირველივე დღეს, 24 თებერვალს.

  • 8 ნოემბერს, უკრაინაში ბოლო ვიზიტისას, მსახიობმა და რეჟისორმა პრეზიდენტ ზელენსკის თავისი ოსკარი გადასცა, როგორც უკრაინის გამარჯვებისა და რწმენის სიმბოლო და თქვა, რომ ჯილდო ქვეყანაში უკრაინის შეიარაღებული ძალების გამარჯვებამდე დარჩება.
  • მსოფლიოს ლიდერებთან ერთად პენის, როგორც უკრაინის ერთგული მხარდამჭერის, სახელი ამოტვიფრეს სიმამაცის ხეივანშიც, რაზეც მსახიობმა თქვა, რომ თავისი შვილის დაბადების შემდეგ, ეს იყო ყველაზე ამაღელვებელი მომენტი მის ცხოვრებაში.

დეტალები: ფილმში, რომელშიც ვოლოდიმირ ზელენსკიც მონაწილეობს, უკრაინაში ჯერ კიდევ 2021 წლის ნოემბერში გადაღებული კადრები მოხვდა.

  • ფილმის ჩვენება ბერლინალეზე უკრაინაში რუსეთის შეჭრის წლისთავზე გაიმართება.
  • ბერლინის 73-ე კინოფესტივალი 16-26 თებერვალს ჩატარდება.