ამის შესახებ მან სოციალური სამართლიანობის ცენტრში გამართულ ბრიფინგზე ისაუბრა.

რატომ არის მნიშვნელოვანი: სასამართლომ საქართველოს ხელისუფლებას თემირლან მაჩალიკაშვილის საქმეზე მისი ოჯახისთვის კომპენსაციის სახით 10 000, ხარჯებისათვის კი დამატებით 15 000 ევროს გადახდა დააკისრა.

  • სასამართლომ პროცედურულ ნაწილში მე-2 მუხლის (სიცოცხლის უფლების) დარღვევა დაადგინა, ხოლო ამავე მუხლის არსებითი ნაწილის დარღვევა — არა.
  • მე-3 მუხლი არ განიხილეს, კონვენციის მე-13 მუხლთან დაკავშირებით კი მიუთითეს, რომ არ არსებობს საჩივრის ამ ნაწილის განხილვის აუცილებლობა.

მაჩალიკაშვილის თქმით, მისი მოლოდინი გამართლდა და ევროპულმა სასამართლომ მიუთითა, რომ ეს საქმე გამოძიებული არ იყო, აქედან გამომდინარე, კი არ შეუძლიათ თქმა, რომ თემირლანი სახელმწიფომ მოკლა.

  • "ჩემთვის ყველაზე მთავარი და მნიშვნელოვანი, ევროპული სასამართლო ამბობს, რომ ამ საქმეში ძალიან ბევრი დარღვევაა და საქმე არ არის ეფექტურად გამოძიებული".
  • აღნიშნავს, რომ სახელმწიფომ მათ დაზარალებულის სტატუსი მიზანმიმართულად არ მიანიჭა, რათა არ გაესაჩივრებინათ და ევროპულ სასამართლოს ისინი სრულად არ გაემართლებინა.
  • "ასე თუ ისე, მართალი გითხრათ, ამ გადაწყვეტილებით ძალიან აღფრთოვანებული თუ არა, კმაყოფილი ვარ".
  • მაჩალიკაშვილის განცხადებით, სასამართლომ მიუთითა, რომ საქმე ხელახალ გამოძიებას უნდა დაუბრუნდეს და ამისთვის იბრძოლებენ.