საქართველოს ოთხი მოქალაქე, ნუკრი თვაური, აკაკი პაპუაშვილი, ზაურ გიგაური და ზურაბ გედევანიშვილი, ე.წ. საზღვრის უკანონო კვეთისთვის 2 დღის განმავლობაში იყო დაკავებული და ისინი ცოტა ხნის წინ, ერგნეთთან, გაათავისუფლეს.

საზოგადოებრივი მაუწყებლის ინფორმაციით, გათავისუფლებულები ამბობენ, რომ დუშეთის რაიონის სოფელ ძველ ბურღულში, საიდანაც ისინი გაიტაცეს, არც მავთულხლართებია და არც ე.წ. საზღვრის მანიშნებლები.

ოკუპირებული ცხინვალის დროებითი დაკავების იზოლატორი მათ 2 000 რუსული რუბლის გადახდის შემდეგ დატოვეს, რაც ე.წ. საზღვრის კვეთისთვის დადგენილი ჯარიმაა.