გადაწყვეტილება საკონსტიტუციო სასამართლომ დღეს, 11 იანვარს მიიღო.

რატომ არის მნიშვნელოვანი: ყაზახეთის საკონსტიტუციო სასამართლოს განცხადებით, ივნისის რეფერენდუმის შედეგების მიხედვით, ქვეყნის პირველ პრეზიდენტზე კანონს სამართლებრივი საფუძველი არ გააჩნია.

  • პირველი პრეზიდენტის შესახებ კანონი ნაზარბაევსა და მის ოჯახის წევრებს მნიშვნელოვან პრივილეგიებს ანიჭებდა.
  • ასევე, გულისხმობდა ერის ლიდერის ხელშეუხებლობას, რომელიც მასთან ერთად, პრეზიდენტის ოჯახის წევრებზეც ვრცელდებოდა.

დეტალები: საკონსტიტუციო ცვლილებებს 2022 წლის 5 ივნისის რეფერენდუმში მონაწილეთა უმრავლესობამ, 77%-მა დაუჭირა მხარი.

  • შედეგად ყაზახეთის პირველ პრეზიდენტს კონსტიტუციური სტატუსი — ელბაზი და ერის მამა ჩამოერთმეოდა.

კანონი, რომელიც 2000 წელს მიიღეს ნაზარბაევისა და მისი ოჯახისთვის სხვა შეღავათებთან და პრივილეგიებთან ერთად ნებისმიერი სისხლისსამართლებრივი დევნისგან უვადო იმუნიტეტსაც გულისხმობდა, გარდა იმ შემთხვევისა, როდესაც დანაშაული სახელმწიფო ღალატთან იყო დაკავშირებული.

  • ნაზარბაევი ქვეყნისა და თანამდებობის დატოვება მას შემდეგ მოუწია, რაც საწვავის ფასის ზრდას ქვეყანაში უპრეცედენტო ანტისამთავრობო პროტესტი მოჰყვა.