უკვე ცნობილია, რომ 6-წლიანი პაუზის შემდეგ ხელოვნური სუნთქვა ეკრანებზე 14 იანვარს ბრუნდება. სერიალის მე-3 სეზონის პირველ სერიას მაყურებელი კავეას ონლაინ კინოთეატრში 14 იანვარს იხილავს, ხოლო მეორე სერიას — 15 იანვარს.

ხელოვნური სუნთქვის ახალი ტრეილერი უკვე გამოვიდა, რომელშიც ვხედავთ, რომ მოქმედება ბოლო მოვლენებიდან 5 წლის შემდეგ ვითარდება. ტრეილერიდან ვიგებთ, რომ მელანო უკვე სტუდენტია და საავადმყოფოში იწყებს მუშაობას, სადაც ახალ ადამიანებს გაიცნობს. ტრეილერში ასევე ვხედავთ პერსონაჟ თამუნას, რომელსაც მსახიობი ეკა დემეტრაძე ასახიერებს.

შეგახსენებთ, რომ ხელოვნური სუნთქვა ფორმულა კრეატივმა 2016 წელს გადაიღო. მას რამდენიმე თვისა და ორი სეზონის განმავლობაში მაყურებელი აქტიურად ადევნებდა თვალს. წლის მიწურულს ცნობილი გახდა, რომ პროექტი ფინანსური მდგომარეობის გამო აღარ გაგრძელდებოდა.

ასე რომ, ახალი სეზონის გამოსვლამდე სულ ცოტა დრო რჩება. თუ მანამდე წინა სეზონების გადამეორებას მოისურვებთ, ამას კავეა+-ის ონლაინ კინოთეატრში შეძლებთ.

ასევე იხილეთ: