ბოდბელი ეპისკოპოსის სიტყვებით, "გმირი კაცი ერთშიც გმირია, ბრძოლაშიც და ციხეშიც", ხოლო სააკაშვილს ციხეში ყოფნის ეშინია.

რატომ არის მნიშვნელოვანი: მაღალი რანგის სასულიერო პირი ქადაგებისას პოლიტიკურ განცხადებას აკეთებს, რომელიც ნაწილობრივ ხელისუფლების ნარატივს ემთხვევა.

  • ის ექსპრეზიდენტის პატიმრობაზე საუბრობს, თუმცა არაფერს ამბობს მის ჯანმრთელობის მდგომარეობაზე.
  • კრიტიკულად საუბრობს უკრაინის მთავრობასა და მის ცალკეულ წარმომადგენლებზეც.

დეტალები: მეუფე იაკობის თქმით, სააკაშვილის პატიმრობის საკითხს "გადაგვაყოლეს" და ამბობს, რომ მისგან "კაცური საქციელი" ვერ დაინახა.

  • "როცა უნდა ქართველი იყო, ქართველთა პრეზიდენტი, როცა უნდა უკრაინელი", — აცხადებს ის ექსპრეზიდენტზე.
  • შემდეგ კი უკრაინის მთავრობის კრიტიკას იწყებს და ქვეყნის პრეზიდენტის უფროს მრჩეველს, მიხაილო პოდოლიაკს ახსენებს.
  • "ვიღაც პოდოლიაკი ხო, უცხო ქვეყნის ისა [...] საჯარო პირი, ნუ გამოაგზავნიდნენ თავიანთ საჯარო სამსახურში მყოფ ადამიანს საქართველოში და ტირილს ნუ დაიწყებდნენ რა... არ გამოეშვათ, დაეჭირათ თავიანთ საზღვარზე და ეს ამბები არ იქნებოდა".