ამის შესახებ უკრაინის პრეზიდენტმა 3 იანვრის საღამოს გამოსვლაში განაცხადა.

რატომ არის მნიშვნელოვანი: ამავე დღეს, ზელენსკის სატელეფონო საუბრები ჰქონდა კანადის, ნიდერლანდების, დიდი ბრიტანეთის და ნორვეგიის პრემიერ მინისტრებთან.

  • "ეს წელი მაშინვე დავიწყეთ იმით, რაც უკრაინას ახლა ყველაზე მეტად სჭირდება — იმ ახალი სამობილიზაციო პროცესების წინა დღეს, რომელსაც ტერორისტული სახელმწიფო ამზადებს. სწორედ ახლა არის მომენტი, როდესაც ჩვენს პარტნიორებთან ერთად უნდა გავაძლიეროთ ჩვენი თავდაცვა", — განაცხადა მან.

დეტალები: ზელენსკის არ დაუკონკრეტებია, თუ რა "მობილიზაციის პროცესები" ჰქონდა კონკრეტულად მხედველობაში.

  • 30 დეკემბერს, უკრაინის თავდაცვის მინისტრმა განაცხადა, რომ იანვრის დასაწყისში რუსეთის ხელისუფლება დაკეტავს საზღვრებს კაცებისთვის, გამოაცხადებს საომარ მდგომარეობას და დაიწყებს მობილიზაციის მორიგ ტალღას.
  • უკრაინის თავდაცვის სამინისტროს მთავარი დაზვერვის დეპარტამენტის უფროსი, კირილ ბუდანოვი ამტკიცებდა, რომ მობილიზაციის ახალი ტალღა, სავარაუდოდ 5 იანვარს დაიწყება.
  • უკრაინის შეიარაღებული ძალების გენერალურმა შტაბმა 31 დეკემბრის დილის მოხსენებაში განაცხადა, რომ ყირიმის ტერიტორიაზე 2023 წლის იანვარში მობილიზებისთვის გაწვეულ პირთა სიები შეიქმნა.