განათლების უკვე ყოფილმა მინისტრმა, თამარ სანიკიძემ განმარტა, რომ მისი თანამდებობიდან გათავისუფლება და განათლების მინისტრის პოსტზე ალექსანდრე ჯეჯელავას დანიშვნა, გონივრული გადაწყვეტილება იყო. რაც შეეხება თავად სანიკიძის სამომავლო გეგმებს, მან განმარტა, რომ მას შემდეგ რაც საქმეს ჯეჯელავას გადააბარებს, მეტი ინფორმაცია ექნება ამის თაობაზე:

"იწურება 4 წელი, ასე ვთქვათ, განათლების სისტემაში განხორციელებული ქმედებებისა და რეფორმების ფონზე და ძალიან მნიშვნელოვანია, რომ ეს რეფორმები შეფასდეს და შემდეგი 4 წელი უკვე დაიგეგმოს ის მიმართულებები, რომლებიც სჭირდება სისტემას განვითარებისათვის".

დღეს, 3 ივნისს, პრემიერმინისტრმა, გიორგი კვირიკაშილმა განათლების მინისტრის პოსტზე ალექსანდრე ჯეჯელავა წარადგინა.

ტექნოლოგიების გამოყენება, პროფესიული განათლება და როგორც ქართველი სტუდენტების უცხოეთში, ისე უცხოელი სტუდენტების საქართველოში სწავლა - ეს ის ძირითადი 3 საკითხია, რომელზეც, ალექსანდრე ჯეჯელავას თქმით, განათლების სამინისტრო იმუშავებს.

2013 წლის ივლისიდან დღემდე განათლების მინისტრის თანამდებობას თამარ სანიკიძე იკავებდა.