ამის შესახებ საული ნიინისტემ თავის საახალწლო მიმართვაში ისაუბრა.

რატომ არის მნიშვნელოვანი: ფინეთის პრეზიდენტმა უკრაინას მტკიცე მხარდაჭერა ამ წელსაც გამოუცხადა.

  • მისი თქმით, რუსეთის უკრაინაში შეჭრასა და ფინეთში ზამთრის ომს შორის მსგავსებას ხედავს.
  • როგორც ნიინისტე ამბობს, რუსეთმაც და საბჭოთა კავშირმა შეცდომა დაუშვეს, რადგან სჯეროდათ, რომ ისინი უკრაინასა და ფინეთს სწრაფად დააჩოქებდნენ.

დეტალები: "ავტორიტარული ქვეყნის ლიდერებმა, სტალინმა და პუტინმა არ გაითვალისწინეს არსებითი ფაქტორი. ის, რომ თავისუფალ ქვეყანაში ადამიანებს აქვთ ნება და რწმენა, რომელიც ერთად მოქმედებს, დიდი ძალაა".

  • მისი განცხადებით, რუსეთის არასწორი გათვლა ის იყო, რომ ფიქრობდა, ევროპისა და დასავლეთის სიმპათიები უკრაინის მიმართ შესუსტდებოდა, თუმცა ეს არ მოხდა, რადგან ისინი უკრაინელების მიმართ თანაგრძნობას განიცდიან.