უკრაინის მთავრობის ცნობით, შობის ღამეს ოკუპანტებმა ხერსონს მიმართულებით ნაღმმტყორცნებიდან 41-ჯერ გაისროლეს.

რატომ არის მნიშვნელოვანი: ხერსონიდან გაძევების შემდეგ, რუსები მდინარე დნეპროს მარცხენა (აღმოსავლეთი) ნაპირზე განლაგდნენ, საიდანაც მშვიდობიან მოსახლეობას ესვრიან.

  • ნაღმმტყორცნების გარდა, ოკუპანტები იყენებენ ცეცხლგამჩენ საბრძოლო მასალას, რის შედეგადაც ქალაქში ცეცხლოვანი ნაპერწკლები ცვივა.

დეტალები: 25 დეკემბერს, ოკუპანტების იერიშის შედეგად დაიღუპა 11 და დაშავდა 64 ადამიანი.

  • დაღუპულთა შორის იყო სოციალური მუშაკი, ყასაბი და გამყიდველი ქალი, რომელიც იმ დღეს ქალაქიც ცენტრალ ბაზარში იმყოფებოდა.
  • კირილო ტიმოშენკოს ცნობით, 27 დეკემბერს რუსულმა ძალებმა ხერსონში სამშობიარო დაბომბეს, თუმცა შემთხვევას მსხვერპლი არ მოჰყოლია.

ბოლო ცნობები: ხერსონის რეგიონული სამხედრო ადმინისტრაციის ხელმძღვანელმა დნეპროს სანაპიროზე მცხოვრებ ადამიანებს ევაკუაციისკენ მოუწოდა.

  • ეს ტერიტორიები ყველაზე მეტად განიცდიან დაბომბვას და პრაქტიკულად, არ არსებობს სტაბილური გათბობა და ელექტროენერგიის მიწოდება.
  • "ხერსონის რეგიონიდან იძულებით გადაადგილებულ პირთათვის სხვა რეგიონებში საცხოვრებელი ადგილები უზრუნველყოფილია უფასოდ", — აღნიშნა იანუშევიჩმა.

ხერსონი სტრატეგიულად მნიშვნელოვანი რეგიონია, რომელსაც ხშირად ყირიმის კარიბჭეს უწოდებენ.

  • უკრაინის კონტრშეტევის შედეგად, 11 ნოემბერს, რეგიონი რუსეთის კონტროლისგან გათავისუფლდა.
  • ამჟამად, იქ ათიათასობით მშვიდობიანი მოსახლეობა ცხოვრობს.