ლიტვა რუსეთის კალინინგრადის რეგიონის საზღვარზე 44,6 კმ-ის სიგრძის ღობის მშენებლობას იწყებს.

ლიტვის სახელმწიფო საზღვრის დაცვის სერვისის ცნობით, ღობის მშენებლობასთან და შესაბამისი ტექნიკური აღჭურვილობის მონტაჟთან დაკავშირებული სამუშაოები მიმდინარე წლის ბოლოს დასრულდება.

პროექტისთვის ლიტვის ბიუჯეტიდან 1 მილიონ 335 ათასი ევრო გამოიყოფა.

როგორც ლიტვის ხელისუფლება აცხადებს, ამ ნაბიჯის გადადგმა აუცილებელი გახდა კონტრაბანდისა და საზღვრის უკანონო კვეთის პრევენციისათვის.