ამის შესახებ აფხაზეთის დე ფაქტო საგარეო უწყებაში განაცხადეს.

რატომ არის მნიშვნელოვანი: ბელარუსს ოკუპირებული აფხაზეთისა და ცხინვალის რეგიონების დამოუკიდებლობა აღიარებული არ აქვს და საქართველოსთან დიპლომატიურ ურთიერთობას ინარჩუნებს.

  • მიუხედავად ამისა, 28 სექტემბერს ბელარუსის პრეზიდენტი, ალექსანდრ ლუკაშენკო ბიჭვინთაში ჩავიდა, რითაც ოკუპაციის შესახებ საქართველოს კანონი დაარღვია.
  • საპასუხოდ, საქართველოს საგარეო საქმეთა სამინისტრომ უწყებაში ბელარუსის ელჩი დაიბარა და განმარტებები მოითხოვა.

დეტალები: ოკუპირებული აფხაზეთის დე ფაქტო საგარეო საქმეთა სამინისტროს ინფორმაციით, ინალ არძინბა მოსკოვსა და მინსკში "თანამშრომლობის აქტუალურ საკითხებს" განიხილავს.

  • უწყებაში არ აკონკრეტებენ, ვის შეხვდება არძინბა რუსეთისა და ბელარუსის დედაქალაქებში.