ქართული ოცნების ერთ-ერთმა ლიდერმა, გია ვოლსკიმ ჟურნალისტებს უთხრა, რომ თბილისის მერის არჩევნებზე სახელისუფლებო კანდიდატი ენერგეტიკის მინისტრი, კახა კალაძე იქნება:

"ამის შესახებ კონსულტაციები საკმაოდ პოზიტიურ ფორმატში მიმდინარეობს, რასაც ვფიქრობთ გუნდში, ის გავუზიარეთ ერთმანეთს, სხვა ალტერნატიული წინადადებები არც განგვიხილავს, მაგრამ საბოლოო გადაწყვეტილება პოლიტსაბჭოზე იქნება ჩამოყალიბებული".

ადგილობრივი თვითმმართველობის არჩევნები საქართველოში 2017 წლის შემოდგომაზე უნდა გაიმართოს, თუმცა ზუსტი თარიღი ჯერ უცნობია.