შიდა ქართლის საინფორმაციო ცენტრის ინფორმაციით, ექსკურსიაზე ყოფნისას, გორის ერთ-ერთი სკოლის პედაგოგი კლდიდან გადავარდა და დაიღუპა.

ინციდენტი ქვაბისხევში მოხდა. როგორც სკოლის დირექტორი ამბობს, ექსკურსიაზე მხოლოდ მასწავლებლები იმყოფებოდნენ. ფაქტზე შსს-მ მოკვლევა დაიწყო.

გავრცელებული ინფორმაციით, პედაგოგებმა ამ ადგილის მონახულება შოთა რუსთაველის საიუბილეო თარიღის აღსანიშნავად გადაწყვიტეს.