ყველაფერი იმით დაიწყო, რომ ჩვენი საზოგადოების ნაწილი ამჯერად ერთ-ერთ სპექტაკლში ორი მსახიობი კაცის კოცნამ აღაშფოთა. ლარს ნურენის პიესის მიხედვით დადგმულ სპექტაკლში დემონები კახა კინწურაშვილისა და თორნიკე გოგრიჭიანის შესრულებული ეს სცენა ფეისბუქზე ვიდეოს სახით გაავრცელა POSTV-ის ჟურნალისტმა, რომელმაც "სიტყვებს თავი ვერ მოუყარა".

სამაგიეროდ, სკეპტიკოსებმა სიტყვებს, თანაც არცთუ სასიამოვნოს, მალე მოუყარეს თავი. კოცნა, რა თქმა უნდა, მსახიობების საქმის ნაწილი შეიძლება იყოს. თუმცა, აღშფოთებულმა მორალისტებმა მთელი რიგი არგუმენტები გადმოალაგეს, რატომ იყო ეს ამბავი "მიუღებელი".

ნუთუ, მართლა აღმაშფოთებელია ორი კაცის კოცნა სცენაზე ან თუნდაც რეალობაში? რასაკვირველია, არა. თუმცა, თუ ვინმე სხვაგვარად ფიქრობს, დაე, მეტად განვარისხოთ და კიდევ უფრო აღმაშფოთებელი კოცნები გავახსენოთ.

1. მადონასა და ბრიტნის კოცნა

ფოტო: Getty Images

მადონას, როგორც პოპის დედოფალს, ასეთი აცუნდრუკება ნამდვილად არ შეშვენის!

2. პრინცესისა და ბაყაყის კოცნა

ფოტო: Disney

თანაც საბავშვო ანიმაციაში! წარმოუდგენელია პირდაპირ!

3. ვახოსა და თამარის კოცნა შუა ქალაქში

ფოტო: ღამის შოუ სტუდია / ტელეკომპანია იმედი

სიტკომში კოცნა გაგონილა?! თანაც საახალწლო სერიაში!

4. ლედის და მაწანწალის კოცნა

ფოტო: Giphy

არ გაგარყვნევინებთ ჩვენს ძაღლებს!!!

5. ხირხალას და ბაბულას კოცნა

ფოტო: ქართული ფილმი

ოდესმე დაფიქრებულხართ, რომ ამ ცნობილ კოცნას წინ ხინკლის ჭამა უძღოდა? რა უხერხულია!

6. უილ სმიტისა და ჟურნალისტის კოცნა

ფოტო: Gfycat

კოცნაზე პასუხად გალაწუნება როგორ შეიძლება?!

7. ბელასა და ედვარდის კოცნა ბინდში

ფოტო: Summit Entertainment

სისხლისმსმელი ურჩხულის კოცნა?! რა მაგალითს ვაძლევთ ახალ თაობას?!

8. ენისისა და ჯეკის კოცნა ფილმში კუზიანი მთა

ფოტო: River Road Entertainment / Focus Features

რა მოდაა ცოლის თანდასწრებით კოცნაობა?

9. ნიკოლოზისა და გოჭის კოცნა ფილმში უდიპლომო სასიძო

ფოტო: ქართული ფილმი

არაჰიგიენური ამბორის აპოგეა!

10. დაბოლოს — ვარდენისა და ბიჭიკოს მამაპაპური მტლაშამტლუში

ფოტო: ქართული ფილმი

კლასიკაა, მაგრამ მამისტოლა კაცის ვენახში კოცნა მაინც ვერაა მოსაწონი საქციელი!